З'явілася відэа моманту масавай аварыі пад мостам на Нямізе
- 23.01.2026, 20:09
У бальніцу дастаўленыя жанчына і шасцігадовае дзіця.
Тры аўтамабілі сутыкнуліся 23 студзеня на сталічнай вуліцы Няміга. Відэа аварыі апублікавала ДАІ.
Зыходзячы з відэа, 42-гадовы кіроўца Voyah урэзаўся ў Ford і Buick.
«Папярэдне, прычынай ДТЗ стала невыкананне бяспечнай дыстанцыі кіроўцам аўтамабіля Voyah», паведамілі ў ведамстве.
27-гадовая кіроўца аўтамабіля Ford, а таксама яе шасцігадовы пасажыр, які ехаў у дзіцячым крэсле, дастаўленыя ў бальніцу для абследавання.