Нечаканы ўчынак Кейт Мідлтан здзівіў ахову

• 23.01.2026, 19:55

Жэст прынцэсы стаў вірусным.

Падчас нядаўняга візіту ў Шатландыю прынцэса Уэльская Кейт Мідлтан здзівіла прыхільнікаў каралеўскай сям’і, свайго мужа Уільяма і найбольш — ахову.

Прынц і прынцэса Уэльскія наведалі горад Стірлінг. Сужэнцы там паразмаўлялі з прыхільнікамі, а відэа нечаканага жэста Кэтрын актыўна распаўсюджваецца у сетцы.

Кейт Мідлтан напалохала ахову

На відэа відаць, як будучая каралева Вялікабрытаніі, махая рукою, ідзе да аўтамабіля, але раптам спыняецца, паказвае на натоўп і хутка накіроўваецца назад. Нечаканы паварот заспеў яе ахову знянацку, а ў сетцы жартуюць, што ахоўнікам «даводзіцца змяняць ніжнюю бялізну» некалькі разоў на дзень.

Кейт Мідлтан спантанна пабегла да прыхільніцы, прыняла ад яе букет і зрабіла сумеснае сэлфі.

У сетцы ўзгадваюць, што ў свой час жонка прынца Уільяма спыніла свой картэж у Уэльсе, каб павітацца з трохгадовай дзяўчынкай Лілі-Роўз, якая гучна клікала прынцэсу.

Рэакцыя сеткі

У каментарыях да відэа брытанцы і не толькі захапляюцца добрым сэрцам будучай каралевы:

«Відаць, што ў яе добрае сэрца, меркаючы па тым, як яна зносіцца з людзьмі».

«Яе ахове, відаць, даводзіцца змяняць ніжнюю бялізну некалькі разоў на дзень».

«Малюся за здароўе яе сям’і».

«Як амерыканка, я шчыра абажаю і захапляюся прынцам Уільямам і прынцэсай Кейт. Добрасардэчныя і вельмі клапатлівыя людзі».