Кіраўнік Мінсувязі Беларусі завраўся

• 23.01.2026, 14:29

Колькі каштуе безлімітны інтэрнэт у суседзяў.

Кіраўнік Мінсувязі Беларусі Кірыл Залескі заявіў, што кошт мабільнай сувязі ў краіне застаецца надзвычай нізкім у параўнанні з іншымі краінамі, падкрэсліўшы: «Калі вы пагаворыце з людзьмі, якія жылі за мяжой, вы даведаецеся, што безлімітны інтэрнэт на высокай хуткасці, як правіла, каштуе 50–70 долараў у месяц».

Чынавнік запэўніў, што «тарыфы на безлімітныя планы не павышаліся з 2022 года і не будуць павышацца ў 2026-м», аднак ведамства плануе ўкараненне мер, якія «дазволяць разгрузіць нашы мабільныя сеткі».

Варта адзначыць, што ў суседняй Польшчы безлімітны мабільны інтэрнэт можна знайсці па цане $20 (пры гэтым прапануецца хуткасць перадачы дадзеных 5G), а ў Літве — $19.

«Дзіўная логіка: нам тлумачаць, што інтэрнэт стане «камфортнейшым» якраз тады, калі мы перастанем ім карыстацца, бо найлепшая сетка — гэта пустая сетка, не абцяжараная лішнімі карыстальнікамі», — адзначае Telegram-канал «Хартыя-97%».