На М10 дрэва ўпала на аўтобус, які праязджаў міма

• 22.01.2026, 21:15

Фотафакт.

Дрэва ўпала на рэйсавы аўтобус, які ехаў па трасе М10 Кобрын—Гомель—мяжа з Расіяй, паведамілі ў ДАІ.

Аварыя адбылася 22 студзеня каля 18:40 на 52-м км трасы. Аўтобус ехаў па маршруце «Гомель — Зябраўка».

«У момант здарэння ў салоне знаходзіліся пасажыры. На шчасце, абышлося без чалавечых ахвяр і траўмаў. Ні кіроўца, ні пасажыры не пацярпелі», — паведамілі ў ДАІ.