Узброеныя сілы Украіны атакавалі партавыя тэрміналы ў Краснадарскім краі

• 21.01.2026, 23:16

Загарэліся чатыры рэзервуары з нафтапрадуктамі.

Вайскоўцы Узброеных сіл Украіны нанеслі ўдар па партавых тэрміналах у пасёлку Волна Цемрукскага раёна Краснадарскага краю. Пра гэта паведаміў губернатар рэгіёна Веніямін Кандрацьеў у сваім Telegram-канале.

«Зараз на тэрыторыі тэрміналаў — пажар, загарэліся чатыры рэзервуары з нафтапрадуктамі. Да ліквідацыі наступстваў прыцягнутыя 97 чалавек і 29 адзінак тэхнікі, у тым ліку супрацоўнікі МНС Расіі», — напісаў кіраўнік рэгіёна.

Кандрацьеў дадаў, што ў выніку ўдару два супрацоўнікі прадпрыемства атрымалі траўмы, несумяшчальныя з жыццём. Яшчэ некалькі чалавек пацярпелі, адзначыў губернатар.