Келлог: Калі Украіна перажыве гэтую зіму — перавага будзе на яе баку

• 21.01.2026, 21:38

Расія прайграе.

Былы спецпасланнік прэзідэнта ЗША Кіт Келлог лічыць, што калі Украіна «перажыве» гэтую зіму, перавага ў вайне будзе на яе баку, а не на баку Расіі.

Пра гэта ён сказаў падчас панэльнай дыскусіі ва Украінскім доме ў Давосе, арганізаванай Фондам Віктара Пінчука, піша карэспандэнт «Еўрапейскай праўды».

Падчас дыскусіі Келлог выказаў упэўненасць, што Расія не выйграе вайну ва Украіне.

Ён лічыць, што кіраўнік Крамля Уладзімір Пуцін на фоне таго, што Расія «панесла вялікія страты», шукае шлях, як «годна выйсці з гэтай сітуацыі, таму што разумее: гэтую вайну ён не выйграе».

«Я разумею, што гэта цяжкая зіма. Я разумею, што адбываецца ў Кіеве, ведаю пра тэмпературы. Але я шчыра веру: калі Украіна перажыве гэтую зіму — студзень, люты — і мы ўвойдзем у сакавік і красавік, перавага будзе на вашым баку, на баку Украіны, а не Расіі», — падкрэсліў Келлог.

На думку былога спецпасланніка Трампа, праблема ў тым, што Пуцін «псіхалагічна ўжо дайшоў да той кропкі, калі проста не можа адпусціць сітуацыю».

«Бо калі ён адпусціць, ён прызнае, што гэта было паражэнне, што ўсё, што ён зрабіў, — правал», — падсумаваў Келлог.