Украінскія воіны збілі новы расійскі дрон «Князь Вешчы Алег»

• 21.01.2026, 19:37

Відэафакт.

Украінскія абаронцы знішчылі новы дрон расійскіх акупантаў «Князь Вешчы Алег». З’явілася адпаведнае відэа.

Пра гэта паведамляе Charter97.org са спасылкай на падраздзяленне батальёна беспілотных сістэм «Пентагон» 225-га асобнага штурмавога палка ў Facebook.

Новы дрон расійскіх акупантаў збілі пілоты роты перахопнікаў батальёна «Пентагон» 225-га АШП.

У падраздзяленні падкрэслілі, што такі беспілотнік — гэта найноўшая распрацоўка расіян, якая мае наступныя характарыстыкі:

максімальная хуткасць — 130 км/гадзіну;

максімальная вышыня палёту — 100 метраў;

рабочы радыус палёту — 45 кіламетраў.

У падраздзяленні адзначылі, што, паводле заяваў саміх расіян, «галоўнай перавагай» дрона з’яўляецца нібыта высокая жывучасць, бо ўкраінскія воіны «прымаюць яго за ўласны».

Ён можа забяспечыць разведку, карэкціроўку агню і назіранне за вынікамі працы ўдарных дронаў.