Уіткоф назваў дату сустрэчы з Пуціным

• 21.01.2026, 14:18

Спецпасланец прэзідэнта ЗША падкрэсліў, што менавіта расіяне пра гэта просяць.

Спецпасланец прэзідэнта ЗША Дональда Трампа Стыў Уіткоф заявіў, што ў чацвер, 22 студзеня, сустрэнецца з расійскім дыктатарам Уладзімірам Пуціным.

Пра гэта паведамляе Bloomberg.

«Ну, глядзіце, мы павінны сустрэцца з ім (Пуціным, — рэд.) у чацвер», — падкрэсліў Уіткоф.

Ён падкрэсліў, што менавіта расіяне пра гэтую сустрэчу просяць, і адзначыў, што «гэта важная заява з іх боку».

«Усе хочуць заключыць мірнае пагадненне», — падкрэсліў Уіткоф і дадаў, што заўтра адправіцца ў Маскву з зяцем Трампа Джарэдам Кушнерам.

Прэс-сакратар Крамля Дзмітрый Пяскоў пацвердзіў расійскім СМІ, што Пуцін плануе заўтра сустрэчу з Уіткофам.