Буданаў: Расія трапляе ў рукі Кітая

• 21.01.2026, 9:27

Раскрытыя падрабязнасці супрацоўніцтва Масквы і Пекіна.

Кіраўнік Офіса Прэзідэнта Украіны Кірыл Буданаў заявіў на Сусветным эканамічным форуме ў Давосе, што Кітай здолеў зарабіць на санкцыях супраць Расіі, але пры гэтым так і не перадаў ёй ніводнай адзінкі ўзбраення.

Пра гэта паведамляе партал «Новини.LIVE».

Паводле яго слоў, Пекін скарыстаўся тым, што Масква аказалася адрэзанай ад заходніх тэхналогій і пачала востра мець патрэбу ў электроніцы, мікрасхемах, станках і іншых кампанентах для вытворчасці ўзбраенняў.

Буданаў адзначыў, што Расія знайшла ў Кітаі надзейнага пастаўшчыка, а Кітай — выгаднага кліента; прычым Масква плаціла за такія пастаўкі значна больш, чым іншыя краіны, што дазволіла Пекіну атрымліваць звышпрыбыткі.

Адначасова Кітай узмацняў свой уплыў на Крэмль, карыстаючыся тым, што санкцыйны ціск Захаду заганяў Расію ў залежнасць ад усходняга партнёра.

«Чым больш санкцыі дзейнічалі звонку, тым больш РФ трапляла ў рукі Кітая, што цяпер ужо ўсе адкрыта бачаць», — падкрэсліў Буданаў. Ён таксама дадаў, што, нягледзячы на абмен ваеннымі тэхналогіямі паміж краінамі, Кітай па-ранейшаму не перадаў Расіі ніводнага ўзору зброі. Паводле яго слоў, Пекін фактычна «паглынае» краіну-агрэсарку, і расіянам усё цяжэй гэта ігнараваць.