Bloomberg: Трамп можа ўзначаліць «Раду міру» пажыццёва

• 21.01.2026, 8:24

Нават пасля заканчэння свайго прэзідэнцкага тэрміну.

Прэзідэнт ЗША Дональд Трамп можа застацца кіраўніком «Рады міру» нават пасля заканчэння свайго прэзідэнцкага тэрміну.

Пра гэта паведамляе Bloomberg.

«Прэзідэнт... Трамп усё яшчэ можа ўзначаліць прапанаваную ім «Раду міру» пасля сыходу з Белага дома. (Ён будзе старшынём — рэд.) да тых часоў, пакуль не падасць у адстаўку», — сказаў неназваны амерыканскі чыноўнік.

Ён дадаў, што будучы прэзідэнт ЗША зможа прызначыць або вылучыць афіцыйнага прадстаўніка ЗША ў савет дырэктараў.

Bloomberg адзначае, што магчымасць пажыццёвага знаходжання Трампа на пасадзе старшыні савета дырэктараў — гэта чарговы нюанс у стварэнні знакавай дыпламатычнай ініцыятывы, якая выклікае супраціў з боку іншых лідараў G7. Таксама гэта адбываецца на фоне спробы адміністрацыі ўдакладніць, хто ўвойдзе ў склад рады, як яна будзе кіравацца і як будзе функцыянаваць.