ЗША затрымалі танкер «ценявога флоту» РФ Sagitta

• 21.01.2026, 8:09

Судна знаходзіцца пад міжнароднымі санкцыямі.

Збройныя сілы ЗША затрымалі ў Карыбскім моры нафтавы танкер Sagitta, які знаходзіцца пад санкцыямі і ўваходзіць у «ценявы флот» РФ.

Пра гэта паведамляе Паўднёвае камандаванне ЗША ў сацсетцы Х.

У ведамстве заявілі, што ў межах аперацыі Southern Spear Дэпартамент вайны (ён жа Пентагон) застаецца непахісным у сваёй місіі па падаўленні незаконнай дзейнасці ў Заходнім паўшар'і ў партнёрстве з Берагавой аховай ЗША, Міністэрствам унутранай бяспекі і Міністэрствам юстыцыі.

«Сёння раніцай амерыканскія ваенныя сілы пры падтрымцы Міністэрства ўнутранай бяспекі без інцыдэнтаў затрымалі танкер Sagitta. Затрыманне яшчэ аднаго танкера, што дзейнічаў з парушэннем усталяванага прэзідэнтам Трампам каранціну для суднаў, якія знаходзяцца пад санкцыямі ў Карыбскім басейне, дэманструе нашу рашучасць забяспечыць, каб з Венесуэлы вывозілася толькі тая нафта, транспарціроўка якой ажыццяўляецца належным чынам і ў адпаведнасці з законам», — гаворыцца ў публікацыі.

На сайце War Sanction пазначана, што нафтавы танкер Sagitta, захоплены ЗША, уваходзіць у ценявы флот РФ і знаходзіцца пад санкцыямі Украіны, Вялікабрытаніі, Злучаных Штатаў, Канады, ЕС, Швейцарыі, Аўстраліі і Новай Зеландыі.

«Танкер у перыяд дзеяння эмбарга G7+ і палітыкі price-cap на расійскую нафту/нафтапрадукты задзейнічаны ў экспарце расійскай нафты/нафтапрадуктаў з расійскіх партоў у Балтыйскім моры, Ціхаакіянскім рэгіёне, пераважна ў КНР і Індыю, прыбягае да практыкі адключэння сігналу AIS, вядзення так званай «цёмнай дзейнасці» ў моры», — гаворыцца ў інфармацыі пра судна

На партале таксама сказана, што міжнародная грамадская арганізацыя Greenpeace адносіць танкер да ценевага флоту танкераў, якія транспартуюць расійскую нафту па свеце і пагражаюць навакольнаму асяроддзю.

Захоп танкераў

Нагадаем, 15 студзеня ў Паўднёвым камандаванні ЗША паведамілі, што іх вайскоўцы захапілі падсанкцыйны танкер Veronica, які звязаны з Венесуэлай. Гэта ўжо быў шосты выпадак за апошні час.

Да гэтага, 7 студзеня, войскі ЗША затрымалі ў Паўночнай Атлантыцы расійскае судна Bella 1 (цяпер Marinera). Прычынай затрымання стала парушэнне санкцый Злучаных Штатаў.

Тога ж 7 студзеня стала вядома, што ЗША захапілі ў Карыбскім моры яшчэ адзін танкер з ценевага флоту РФ — судна Sophia.