У Мінску заўважылі рэдкі браніраваны Land Rover з дзіўнымі нумарамі

• 20.01.2026, 23:24

Фотафакт.

Браніраваны Land Rover Snatch выпуску 2005 года заўважылі ў Мінску. Фотаздымак рэдкага аўтамабіля з дзіўным рэгістрацыйным нумарам апублікаваў тэлеграм-канал «Мінск і мінчанін».

Паводле інфармацыі выдання, гэта «былая ваенная машына са стылізаваным пад ААН нумарам, выдадзеным у Паўночнай Ірландыі».

«Таксама зроблена перафарбоўка кузава “пад ААН”, але насамрэч да гэтай арганізацыі аўтамабіль ніякага дачынення не меў», — напісаў «Мінск і мінчанін».

Выданне таксама звярнула ўвагу на герб «Паўднёвай Родэзіі часоў брытанскага каланіяльнага панавання, прыклеены на бортах з абодвух бакоў».

Land Rover Snatch — лёгкі англійскі бронеаўтамабіль. Ён прызначаўся для патрулявання падчас аперацый у Паўночнай Ірландыі. Машына была спраектавана ў самым пачатку 90-х гадоў XX стагоддзя, афіцыйна прадстаўлена ў 1992 годзе.