«Манчэстэр Сіці» сенсацыйна прайграў нарвежскаму «Будэ-Глімт» у Лізе чэмпіёнаў

• 20.01.2026, 23:06

«Гараджане» прапусцілі тры мячы.

Англійскі «Манчэстэр Сіці» прайграў нарвежскаму «Будэ-Глімт» у сёмым туры агульнага групавога этапу Лігі чэмпіёнаў.

Сустрэча, якая адбылася на стадыёне «Аспмюра» ў нарвежскім горадзе Будэ, завершылася з лікам 3:1. У складзе нарвежскага клуба вызначыліся Каспэр Хёг, які аформіў дубль за дзве хвіліны, і Енс Пэтэр Хёуге. Адзіны гол «гараджан» аформіў Раян Шэркі.

Па ходзе матчу быў выдалены капітан «Манчэстэр Сіці» Родры, які атрымаў жоўтыя карткі з розніцай у адну хвіліну — на 61-й і 62-й хвілінах матчу.