Дэпутат Еўрапарламента ад Даніі рэзка звярнуўся да Трампа

• 20.01.2026, 23:03

Андэрс Вістысэн адказаў на прэтэнзіі прэзідэнта ЗША на Грэнландыю.

Дэпутат Еўрапарламента ад Даніі Андэрс Вістысэн фразай «fuck off» (у цэнзурным перакладзе — «адчапіся») адказаў на прэтэнзіі прэзідэнта ЗША Дональда Трампа на Грэнландыю. Выказванне падчас яго выступлення трапіла ў эфір на сайце Еўрапарламента.

«Я скажу на вашай мове, прэзідэнт Трамп, — fuck off», — заявіў Вістысэн.

На гэта адрэагавала старшыня Еўрапарламента Роберта Метсола і папрасіла не выказвацца падобным чынам, бо гэта супярэчыць правілам і нормам.