Беларус загінуў падчас валкі лесу
- 20.01.2026, 21:37
Яго прыціснула дрэвам.
Падчас санітарнай высечкі ў Касцюковіцкім раёне загінуў 34-гадовы мужчына, паведаміў Следчы камітэт.
Днём 20 студзеня брыгада выконвала валку лесу.
Адно з дрэў, спіленых 46-гадовым мясцовым жыхаром, ўпала і прыціснула яго калегу — 34-гадовага мужчыну з Касцюковіцкага раёна.
Атрыманыя траўмы аказаліся несумяшчальнымі з жыццём, беларус загінуў.
На месца здарэння выязджала следча-аператыўная група. Следчы і спецыялісты ДКСЭ правялі агляд, зафіксавалі следавую карціну і апыталі відавочцаў.
Касцюковіцкі раённы аддзел Следчага камітэта пачаў праверку. Абставіны інцыдэнту высвятляюцца.
Асаблівую ўвагу следчыя нададуць прычынам і ўмовам, якія спрыялі гібелі вальшчыка лесу, дадалі ў СК.