У цэнтры Мінска перакуліўся аўтамабіль хуткай дапамогі

• 20.01.2026, 10:29

Аднак на скрыжаванні адбылося сутыкненне з легкавым аўтамабілем.

Сёння на скрыжаванні вуліц Першамайскай і Захарава ў аварыю трапіў аўтамабіль хуткай медыцынскай дапамогі, які спяшаўся на выклік.

Машына хуткай ехала праз скрыжаванне на чырвоны сігнал святлафора, былі ўключаныя праблісковыя маячкі, працавала гукавая сігналізацыя.

Аднак на скрыжаванні адбылося сутыкненне з легкавым аўтамабілем. Удар быў даволі моцны, абедзве машыны атрымалі значныя механічныя пашкоджанні, мікрааўтобус хуткай дапамогі перакуліўся.

На шчасце, у аварыі ніхто не пацярпеў.