ЗША накіравалі самалёты ў Грэнландыю

• 20.01.2026, 8:50

Для планавых вучэнняў.

Камандаванне Паветрана-касмічнай абароны Паўночнай Амерыкі (NORAD) заявіла, што яго самалёты неўзабаве прызямляцца на касмічную базу Пітуфік у Грэнландыі.

Пра гэта гаворыцца ў паведамленні NORAD у X.

Самалёты будуць «падтрымліваць розныя, даўно запланаваныя мерапрыемствы NORAD», у якіх таксама будуць удзельнічаць знішчальнікі, што базуюцца на кантынентальнай тэрыторыі ЗША і Канады.

У NORAD запэўнілі, што гэтая дзейнасць была ўзгоднена з Даніяй, а ўсе сілы падтрымкі дзейнічаюць з неабходнымі дыпламатычнымі дазволамі.

Урад Грэнландыі таксама праінфармаваны пра запланаваныя мерапрыемствы, адзначылі ў паведамленні.