Беларусаў чакае першы скарочаны працоўны дзень у новым годзе

• 2.01.2026, 19:40

Наступны будзе напрыканцы красавіка.

Пакуль трываюць доўгія выходныя, Smartpress.by нагадаў беларусам пра першы скарочаны працоўны дзень у 2026 годзе. Наступнага такога давядзецца чакаць амаль 4 месяцы – да самага канца красавіка.

У сераду, 7 студзеня, у Беларусі адзначаць Праваслаўнае Раство. Таму ў аўторак, 6-га, будзе скарочаны працоўны дзень. Вось у каго на колькі менш:

у таго, хто працуе поўны працоўны дзень (40 гадзін на тыдзень), – на 1 гадзіну,

пры 6-гадзінным працоўным дні – на 45 хвілін,

пры 4-гадзінным працоўным дні – на 30 хвілін.

Наступны скарочаны працоўны дзень у беларусаў, якія працуюць па стандартнай «пяцідзёнцы», будзе толькі ў чацвер, 30 красавіка. Гэта перад Днём працы, які адзначаюць 1 мая. Сёлета ён прыпаў на пятніцу – у беларусаў будзе 3 выходныя запар (з 1 па 3 мая). Наступныя трохдзённыя выходныя будуць у ліпені.