Як выглядае пяціпавярхоўка ў Харкаве пасля ўдару РФ

• 2.01.2026, 17:50

Пад заваламі знаходзяцца людзі.

Расійскія акупанты сёння, 2 студзеня, нанеслі ракетны ўдар па пяціпавярхоўцы ў Харкаве. У выніку атакі будынак быў разбураны, піша РБК-Украіна.

З-за ўдару расійскіх тэрарыстаў пацярпелі прынамсі 16 чалавек. Адзін чалавек — у цяжкім стане. Медыкі ўжо надалі дапамогу большасці.

Як адзначыў кіраўнік Харкаўскай ОВА Алег Сінягубаў, ёсць інфармацыя, што пад заваламі знаходзяцца людзі. На месцы працуюць выратавальнікі, праваахоўнікі і лекары неадкладнай медыцынскай дапамогі.

Па словах прэзідэнта Украіны Уладзіміра Зяленскага, папярэдне вядома, што для атакі акупанты выкарысталі дзве ракеты. Якія менавіта — кіраўнік дзяржавы не ўдакладніў. Пры гэтым Сінягубаў паведаміў, што гаворка менавіта пра балістыку.

- На жаль, менавіта так расіяне ставяцца да жыцця і людзей — працягваюць забойствы, і гэта нягледзячы на ўсе намаганні свету і перш за ўсё Злучаных Штатаў у дыпламатычным працэсе, — адзначыў прэзідэнт.

Зяленскі і Сінягубаў таксама апублікавалі фота наступстваў тэрарыстычнай атакі расіян.