Суседзі з Бабруйска ў пераднавагоднюю раніцу вырашылі павіншаваць свайго дварніка са святам

• 2.01.2026, 12:28

Рэакцыя аказалася нечаканай.

Дыяна і Сяргей жывуць па суседстве ў адной з шматпавярховак Бабруйска. Перад Новым годам мужчына прапанаваў жанчыне павіншаваць іх дварніка. Яны падрыхтавалі для яго падарунак, падышлі... Рэакцыя дварніка аказалася нечаканай. Відэа гэтай сітуацыі Дыяна выклала ў сваім уліковым запісе ў TikTok, — піша «Зеркало».

Імя дварніка ў роліку Дыяна не назвала, але паведаміла, што з яго прыходам у двары «стала сапраўды чыста». У пераднавагоднюю раніцу суседзі сабралі для яго невялікі падарунак і, «сонныя і вясёлыя», адправіліся сказаць мужчыне дзякуй. У прэзент, як пазней адзначыць Сяргей, паклалі «ўсё, што трэба».

Мужчыну яны перахапілі проста падчас змены. Хоць на вуліцы ўжо было светла, работнік працягваў чысціць ад снегу дарожкі.

— Вырашылі павіншаваць вас з надыходзячым Новым годам, сказаць вам вялікі дзякуй за тое, што кожную раніцу наш двор — самы чысты ў Бабруйску, — кажа Сяргей, звяртаючыся да яго. — Мы хочам уручыць вам стандартны наборачак.

Такога сюрпрызу дварнік не чакаў.

— Навошта? — збянтэжыўся ён і, відаць, пачаў аднеквацца ад падарунка. — Зразумейце мяне правільна.

— Мы спецыяльна для вас <�…>, — пачаў тлумачыць Сяргей. — Вялікі вам дзякуй. З надыходзячым вас.

Праз некаторы час мужчына ўсё ж прыняў падарунак. Было відаць, што такое стаўленне жыхароў дома было яму прыемна. У адказ на працягнутую Сяргеем руку ён зняў пальчатку і падаў сваю.

— І вас з надыходзячым, — сказаў ён суседзям. — Здароўя, удачы.

— А вам добрага надвор'я, бо ваша праца складаная і ўсесезонная, — падсумаваў Сяргей.

За дзень гэта відэа паглядзелі больш за паўмільёна разоў. Пад ім амаль 1900 каментарыяў. Вось некаторыя з іх:

«Ад імя ўсіх дварнікоў — дзякуй. Гэта вельмі прыемна, часам нават удзячнасць за нашу працу сагравае душу»;

«Малайцы, хлопцы, складана ўявіць, як яму гэта прыемна і кранальна, іх жа рэдка хто віншуе. Ды што там віншуе — вітаюцца адзінкі! Малойцы, паклон усім»;

«Якія вы малайцы, я аж расплакалася, як чалавеку мала трэба для шчасця»;

«Гэтым хлопцам, можа, фінансава і не накладана, затое чалавеку цёпла і святочна, і ўсім прыемна. Якая чыстая душа ў гэтых маладых людзей, няхай маюць чысціню ў двары»;

«Як часта не цэняць працу дварнікоў, прыбіральшчыц, посудамыйшчыц! Іх, як правіла, нават за людзей не лічаць! Дзякуй вам, хлопцы, што вы ацанілі працу чалавека, які робіць вашае жыццё больш прыемным і зручным!»;

«Не чакайце цуду, тварыце цуды самі. Рэспект і вам, і вашаму памочніку».