Эксперт распавёў, як змянілася СПА вакол рэзідэнцыі Пуціна на Валдаі

• 2.01.2026, 10:07

У параўнанні з 2022 годам.

У 2022 годзе вакол Валдая, дзе знаходзіцца адна з рэзідэнцый прэзідэнта РФ Уладзіміра Пуціна, было заўважана каля двух сістэм СПА, а цяпер іх колькасць узрасла да 14. Пра гэта распавёў авіяцыйны эксперт і аналітык Канстанцін Крывалап.

«Увогуле адносна магчымасці ўдару па Валдаі, то ў 2022 годзе там было заўважана каля двух сістэм СПА, якія абаранялі Валдай. Бо ў Крамлі спадзяваліся на «Кіеў за тры дні», «Украіну за дзве тыдні», «украінскае кіраўніцтва ўцячэ», таму навошта вакол пуцінскай рэзідэнцыі ставіць больш ЗРК», — заявіў ён у эфіры «Еспресо».

«Мы туды асабліва не лятаем, бо гэта і далёка, і за паўдня можна зразумець, куды ляцяць нашы дроны, і Пуцін можа паспець схавацца, бо ён вельмі ўважліва ставіцца да сваёй бяспекі», — растлумачыў Крывалап.

На думку эксперта, нам не трэба думаць пра Валдай, дзе Пуцін бывае не так часта, бо ў нас ёсць процьма іншых задач — знішчаць аб’екты расійскага ВПК.

Хлусня РФ пра атаку на Валдай

Расія з 29 снежня сцвярджае, што Украіна нібыта спрабавала атакаваць ударнымі дронамі рэзідэнцыю прэзідэнта Уладзіміра Пуціна, але ўсе апараты былі збіты.

Украіна ад пачатку гэтых заяў адмаўляла нанясенне падобнага ўдару. Пры гэтым галоўным адрасатам расійскага наратыву пра замах на Пуціна першапачаткова былі ЗША: Пуцін распавёў пра гэта Дональду Трампу у тэлефоннай размове 29 снежня. Аднак у сераду ў амерыканскіх СМІ з’явіліся ўцечкі пра тое, што разведвальныя службы ЗША, перадусім ЦРУ, прыйшлі да высновы, што ўкраінскія дроны не былі нацэленыя на рэзідэнцыю Пуціна і данеслі гэтую выснову да прэзідэнта.