Эканоміка РФ уваходзіць у фазу стагнацыі

• 2.01.2026, 5:00

А ў гэтым годзе яе можа чакаць рэцэсія.

Расійская эканоміка фактычна спыніла рост з-за вайны супраць Украіны. Пра гэта паведамілі у Цэнтры супрацьдзеяння дэзінфармацыі.

Паводле даных Міністэрства эканамічнага развіцця РФ, у лістападзе 2025 года ВУП Расіі вырас усяго на 0,1% у гадавым вымярэнні. У ЦПД адзначаюць, што гэта найніжэйшы паказчык з пачатку 2023 года і сведчанне ўваходжання эканомікі ў фазу стагнацыі.

Упершыню за апошнія дзевяць месяцаў зафіксавана падзенне прамысловай вытворчасці — на 0,7%. У Цэнтры звяртаюць увагу, што зніжэнне адбылося менавіта ў сектары, які ў 2023–2024 гадах забяспечваў так званы «ваенны рост» эканомікі РФ.

Акрамя таго, нават аналітыкі, лаяльныя да Крамля, фіксуюць рэзкі рост рызык рэцэсіі ў 2026 годзе. Яны канстатуюць, што эканамічная мадэль, якая грунтавалася на бюджэтным стымуляванні, імпартазамяшчэнні і пашырэнні крэдытавання, вычарпала сябе.

У ЦПД адзначаюць, што такая сітуацыя з'яўляецца прамым вынікам вайны і бессэнсоўных рашэнняў расійскай улады. Крэмль свядома працягвае агрэсію, эканоміка РФ апынулася ў стане глыбокага крызісу, а далейшае ігнараванне рэальнасці прывядзе да ўзмацнення негатыўных наступстваў.