Беларус паехаў на заробкі ў Расію і знік
- 19.01.2026, 23:17
Ён перастаў выходзіць на сувязь у жніўні 2025 года.
У Расіі знік 55-гадовы ўраджэнец Пінска (Брэсцкая вобласць) Васіль Сумар. Яго арыенціроўку размясціў пошукава-выратавальны атрад «Віцязь».
У жніўні 2025 года мужчына паехаў на заробкі ў Маскву. Пасля гэтага ён перастаў выходзіць на сувязь. Яго месцазнаходжанне да сённяшняга дня невядома.
«Можа знаходзіцца ў рабочых дамах у Паўночна-Заходняй адміністрацыйнай акрузе Масквы, раён Тушына», — дадалі ў ПСО «Віцязь».
Васіль Сумар хударлявага целаскладу, рост: 165−170 см. На левай кісці ў яго татуіроўка «КУСПП».