У Барысаве адбылася аварыя на цяпласетках

• 19.01.2026, 22:38

Батарэі астылі ў жыхароў вуліцы 50 гадоў БССР.

Жыхары раёна вуліцы 50 гадоў БССР паведамілі, што да вечара батарэі ў іх кватэрах астылі, «як улетку», і многія асцерагаюцца, што праблема зацягнецца, піша «Мінская праўда».

На пашкоджаным участку ўжо кіпіць праца, паведамілі ў УП «Жыллё».

Аднавіць ацяпленне плануюць да канца сённяшняга дня, 19 студзеня.

Раніцай 19 студзеня ў Мінску адбылася буйная аварыя на цяплатрасе. Жыхары адразу пяці раёнаў сталіцы — Фрунзенскага, Маскоўскага, Цэнтральнага, Савецкага і Кастрычніцкага — заўважылі, што іх батарэі астылі, а з кранаў знікла гарачая вада. Праблема дагэтуль не вырашаная да канца.