Джокавіч здабыў сотую перамогу на Адкрытым чэмпіянаце Аўстраліі

• 19.01.2026, 19:35

Больш перамог на гэтым турніры толькі ў Роджэра Федэрэра і Джымі Конарса.

Былы першы нумар сусветнага рэйтынгу Новак Джокавіч перамог 71-ы нумар рэйтынгу, іспанскага тэнісіста Педра Мартынеса-Партэра, у трох сэтах на старце Адкрытага чэмпіянацту Аўстраліі.

Джокавіч перамог з лікам 6:3, 6:2, 6:2.

У другім крузе супернікам сербскага тэнісіста стане італьянец Франчэска Маэстрэлі (141-ы), які абгуляў Тэранса Атмана (64-ы) з Францыі.

Джокавіч выйграў свой соты матч на турніры, больш перамог толькі ў швейцарца Роджэра Федэрэра (102).

На рахунку Джокавіча 101 тытул ATP. Паводле гэтага паказчыка ён саступае толькі Федэрэру (103) і амерыканцу Джымі Конарсу (109).

У лістападзе тэнісіст стаў найстарэйшым у гісторыі пераможцам турніру ATP. Ва ўзросце 38 гадоў і пяці месяцаў ён пабіў рэкорд француза Гаэля Манфіса, які заваяваў тытул у Аўклендзе ва ўзросце 38 гадоў і чатырох месяцаў.

Адкрыты чэмпіянацт Аўстраліі — першы ў сезоне турнір Вялікага шлема. Прызавы фонд складае каля $75 млн.