Міністр абароны Даніі і міністр замежных спраў Грэнландыі сустрэліся з Рютэ

• 19.01.2026, 18:20

Яны абмяркоўвалі ўзмацненне прысутнасці Паўночнаатлантычнага альянсу ў Арктыцы.

Міністр абароны Даніі Троэльс Лунд Поульсен і міністр замежных спраў Грэнландыі Вівіан Моцфельдт сустрэліся ў Бруселі з генеральным сакратаром НАТА Маркам Рютэ, паведамляе TV2.

Поульсен і Моцфельдт на сустрэчы з генеральным сакратаром НАТА ў Бруселі абмяркоўваюць узмацненне прысутнасці Паўночнаатлантычнага альянсу ў Арктыцы.

Пасля сустрэчы запланавана прэс-канферэнцыя для СМІ а 17-й гадзіне па мясцовым часе.

Тым часам кіраўнік МЗС Даніі Ларс Лёкке Расмусэн пачаў серыю візітаў у еўрапейскія сталіцы, у панядзелак ён знаходзіцца ў Вялікабрытаніі.