«Лятучы шпіталь» МНС наведаў Грозны па-другі раз пасля аварыі з Адамам Кадыравым

• 19.01.2026, 17:00

У Грозным Ан-148 прастояў ноч.

Медыцынскі самалёт Ан-148 МНС Расіі, на якім Адама Кадырава пасля аварыі, меркавана, даставілі ў Маскву, зноў наведаў Грозны, звярнула ўвагу «Агенцтва». Туды ён прыляцеў у нядзелю з Дубая. У Грозным Ан-148 прастояў ноч, пасля чаго вярнуўся у Маскву.

Паводле даных Flightradar24, Ан-148 з бартавым нумарам RA-61717, які абсталяваны шасцю медыка-эвакуацыйнымі модулямі, вылецеў з Масквы ў нядзелю раніцай, а ў 13:00 — прызямліўся ў Дубаі. А ўжо праз паўтары гадзіны вылецеў у Грозны, дзе прызямліўся прыблізна а 18:00.

А 8:00 раніцы ў панядзелак самалёт адправіўся з Грознага ў Маскву, а каля 11:00 выключыў транспондар на падлёце да Бранніц, што дазваляе меркаваць, што самалёт накіроўваўся ў Жукоўскі.

Гэта ўжо другі за некалькі дзён візіт «лятучага шпіталя» МНС Расіі ў Грозны. Першы ён здзейсніў у пятніцу пасля паведамленняў пра аўтакатастрофу з удзелам Адама Кадырава. Паводле папярэдніх звестак, менавіта ім сына кіраўніка Чачні даставілі ў Маскву.

Прыблізна адначасова з ім з Грознага вылецеў таксама асабісты самалёт Рамзана Кадырава, які ў Грозны прыляцеў у пятніцу з Дубая. Абодва самалёты селі ў Внукава.

Самалёт Кадырава, паводле сервісу Flightradar24, новых пералётаў не здзяйсняў.

Паводле даных чачэнскага апазіцыйнага тэлеграм-канала Niyso і блога «ВЧК-ОГПУ», Кадырава-малодшага шпіталізавалі ў Боткінскую бальніцу.

У Дубаі сям’я кіраўніка Чачні валодае чатырма віламі агульным коштам больш за 20 млн долараў, пісалі «Важныя гісторыі». Адна з віл Кадыраў выкарыстаў як неафіцыйнае пасольства Чачні ў ААЭ. Самалёт кіраўніка Чачні рэгулярна лётае ў Дубай.