«У абароне перамога немагчыма»

• 19.01.2026, 16:35

Наступальныя аперацыі ЗСУ анансаваў Сырскі.

Украіна будзе праводзіць наступальныя аперацыі, паколькі ў абароне перамогу не здабыць. Пра гэта заявіў галоўнакамандуючы ЗСУ Аляксандр Сырскі у інтэрв’ю для LB.ua.

Па яго словах, глабальныя планы Расіі на 2026 год не змяніліся. Вораг нацэлены захапіць усю Украіну і ад сваіх планаў не адмаўляецца.

- Усе напрамкі правядзення наступальных дзеянняў таксама застаюцца тымі, што і былі. Змяняюцца толькі тэрміны, колькасць узбраення, асабовага складу. Усё астатняе застаецца такім жа, як і было. То бок яны прытрымліваюцца сваіх планаў. Мы будзем праводзіць стратэгічную абарончую аперацыю, — адзначыў Аляксандр Сырскі.

Ён таксама падкрэсліў, што пры абароне перамога немагчыма.

- Таму, адпаведна, мы будзем праводзіць наступальныя аперацыі, змагацца за тое, каб утрымліваць аператыўную ініцыятыву. Такі падыход прыводзіць да таго, што расіяне вымушаныя прыцягваць і здымаць значны чалавечы рэсурс, узбраенне і боепрыпасы, каб стрымліваць актыўныя дзеянні Сіл абароны, — падсумаваў галоўнакамандуючы ЗСУ.