Трамп запрасіў Пуціна ў «Раду міру»

• 19.01.2026, 13:38

Для кіравання сектарам Газы.

Пуцін атрымаў запрашэнне ў «Раду міру», якую ствараюць ЗША, заявіў прэс-сакратар кіраўніка Крамля Дзмітрый Пяскоў. Паводле яго слоў, яно было перададзена «па дыпламатычных каналах». «На дадзены момант мы вывучаем усе дэталі гэтай прапановы. Спадзяёмся на кантакты з амерыканскім бокам, каб праясніць усе нюансы», — дадаў Пяскоў.

Прэзідэнт ЗША Дональд Трамп вырашыў стварыць «Раду міру» пад уласным кіраўніцтвам для кіравання сектарам Газы пасля завяршэння вайны паміж Ізраілем і радыкальнай палестынскай групоўкай ХАМАС. Пры гэтым у статуце структуры апісваюцца больш шырокія паўнамоцтвы.

Раней сайт Charter97.org пісаў, што адміністрацыя прэзідэнта ЗША Дональда Трампа прапануе краінам, якія імкнуцца атрымаць пастаяннае месца ў нядаўна створанай Радзе міру, зрабіць фінансавы ўнёсак у памеры не менш як 1 млрд долараў.