Астапа панесла

• Віктар Шлінчак
• 19.01.2026, 13:26

Сігнал для многіх гульцоў, якім проста надакучыў ціск Трампа.

«Сувязі паміж Атавай і Вашынгтонам глыбейшыя, але адносіны з Кітаем сталі больш прадказальнымі». Словы, сказаныя прэм'ер-міністрам Канады Карні пасля падпісання з Кітаем шэрагу пагадненняў, дэманструюць уражальныя змены ў палітычных і эканамічных саюзах.

Пакуль Трамп дамагаецца Грэнландыі, абвешчаны намер стратэгічнага партнёрства паміж Канадай і Кітаем змяняе расклад не толькі ў Заходнім паўшар'і, якое Трамп ужо абвясціў сваёй вотчынай.

Гэта — сігнал для многіх гульцоў, якім проста надакучыў ціск Трампа, што цягнецца ўжо год, і яны пралічваюць новыя варыянты.

Цяпер яшчэ і еўрапейцы пасля ўведзеных Трампам пошлін будуць задаваць сабе пытанне, з кім ім на гэтым этапе выгадней сябраваць — з непрадказальнымі (у гэты гістарычны адрэзак часу) Штатамі або з Кітаем, які дэманструе вытрымку і імкнецца не быць уцягнутым у канфлікты, дзе ёсць няадназначная выгода.

Мы яшчэ ўбачым вялікую гульню Кітая па Украіне, я ў гэтым упэўнены.

Для пачатку Трамп павінен канчаткова наламаць дроў і сваімі метадамі адвярнуць ад сябе большасць геапалітычных гульцоў.

«Венесуэльскі поспех» затуманіў мазгі — і Астапа панесла…

Віктар Шлінчак, «Фэйсбук»