На дзяржаўным тэлебачанні Ірана з’явіўся зварот прынца да вайскоўцаў

• 19.01.2026, 10:43

Новыя падрабязнасці.

Хакеры ўмяшаліся ў спадарожнікавую трансляцыю дзяржаўных тэлеканалаў Ірана і вывелі ў эфір зварот прынца ў выгнанні Рэзы Пехлеві. Паводле Associated Press, узлом закрануў каналы дзяржаўнага медыяхолдынга Islamic Republic of Iran Broadcasting, якія вяшчаюць са спадарожніка.

Як сцвярджае AP, у эфіры паказвалі відэазапісы з удзелам Пехлеві і графіку з заклікамі да вайскоўцаў не ўжываць зброю супраць пратэстоўцаў і далучыцца да народа. Паўафіцыйнае агенцтва Fars са спасылкай на заяву тэлерадыёкампаніі паведамляе, што сігнал «ў асобных рэгіёнах краіны быў часова парушаны невядомай крыніцай», не ўдакладняючы змест трансляцыі. Офіс Пехлеві пацвердзіў факт узлому, але, паводле AP, не адказаў на пытанні журналістаў.

«Вы — нацыянальная армія Ірана, а не армія Ісламскай Рэспублікі. У вас ёсць абавязак — абараніць уласныя жыцці», — заявіў Пехлеві ў паказаным фрагменце.

Масавыя пратэсты ў Іране пачаліся 28 снежня на фоне эканамічных цяжкасцяў і за два тыдні перараслі ў агульнанацыянальныя дэманстрацыі з патрабаваннем пакласці канец уладзе рэжыму аятолаў. Гэта самыя крывавыя хваляванні з часоў ісламскай рэвалюцыі 1979 года. Хаменеі абвінавачваў у арганізацыі пратэстаў ЗША, а таксама Ізраіль — заклятага ворага рэспублікі, які ў чэрвені наносіў па ёй авіяўдары.