Вядомая крама падманвае беларусаў?

• 18.01.2026, 19:44

Пакупнік паказаў «фокус» з сырам.

Мінчанін апублікаваў у сацсетках відэа, у якім паказаў, як у вядомай краме «Копеечка» падманваюць пакупнікоў. Ён заўважыў, што набыты ў краме сыр важыць зусім інакш, чым паказана на цэнніку.

Сыр «Монарх», які набыў мужчына, каштаваў амаль 30 бел. руб. за кілаграм і каля 10 руб. за кавалак. На цэнніку было ўказана, што маса прадукту складае 412 грамаў. Аднак пры праверцы на кантрольных вагах высветлілася, што сыр важыць 369 грамаў, то-бок на 43 грамы менш.

«Гэтыя грамы ідуць на карысць краме», — адзначыў пакупнік.