Беларус прадаў ноўтбук за долары і праз гады апынуўся ў міліцыі

• 18.01.2026, 15:55

Незвычайная гісторыя адбылася ў Магілёве.

Жыхар Магілёва вырашыў абмяняць 100 долараў у банку і раптам апынуўся ў цэнтры разбіральніцтва з міліцыяй. Касірка засумнявалася ў сапраўднасці купюры і накіравала яе на праверку. Судовая экспертыза пацвердзіла: банкнота аказалася фальшывай, піша «Онлайнер».

Сам мужчына сцвярджае, што пра падробку не ведаў. Паводле яго слоў, гэтыя долары ён атрымаў яшчэ ў 2020 годзе — тады ён прадаў ноўтбук і згадзіўся прыняць аплату ў замежнай валюце. Купюра ўвесь гэты час захоўвалася ў яго без падазрэнняў.

Пасля выяўлення падробкі па факце інцыдэнту ўзбудзілі крымінальную справу.