Украінскія дэсантнікі паказалі, як праводзяць зачыстку ў раёне Пакроўска

• 18.01.2026, 11:11

Байцы ЗСУ прасунуліся амаль на кіламетр за суткі.

Украінскія байцы працягваюць зачыстку расійскіх акупантаў на Пакроўскім напрамку. Нядаўна на працягу сутак удалося зачысціць каля 900 метраў тэрыторыі.

Пра гэта паведамляе ў Facebook прэс-служба 132-га асобнага разведвальнага батальёна 7-га корпуса Хуткага рэагавання Дэсантна-штурмавых войскаў.

«132-гі асобны разведвальны батальён 7-га корпуса ШР ДШВ працягвае выкананне баявых задач на Пакроўскім напрамку. Нядаўна на працягу сутак наземныя падраздзяленні выведкі правялі зачыстку участка мясцовасці працягласцю каля 900 метраў», — гаворыцца ў паведамленні.

Аперацыя праходзіла ў межах планавых работ па паляпшэнні тактычнага становішча і зніжэнні актыўнасці праціўніка ў паласе адказнасці.

Аператары дронаў «Кары нябеснай» 132-га разведбата бесперапынна «вялі» раён з паветра, выяўлялі праціўніка і кантралявалі перамяшчэнні ў зоне правядзення зачысткі. Мабільныя групы на квадрацыклах дзейнічалі на зямлі, ажыццяўляючы манеўровае прасоўванне і непасрэдную зачыстку мясцовасці.