Дроны атакавалі Сочы і Туапсэ

• 17.01.2026, 10:41

Сірэны былі чутныя ўздоўж чарнаморскага ўзбярэжжа РФ.

У ноч на 17 студзеня над Сочы і Туапсэ ў Краснадарскім краі Расіі прагрымела каля 10 выбухаў. Супрацьпаветраная абарона краіны-агрэсара нібыта збівала беспілотнікі над Чорным морам. Пра гэта піша «Главред».

Вядома, што выбухі ў раёне Туапсэ пачаліся каля 02:20. Мясцовыя сцвярджаюць, што чулі не менш як сем гучных гукаў і бачылі ўспышкі з боку мора. Некаторыя апісваюць гук у небе як «жужжанне».

Каля 02:45 у Сочы ўключылі сірэны. Таксама вядома прынамсі пра тры выбухі ў раёне пасёлка Лазарэўскае. Сірэны былі чутныя ўздоўж чарнаморскага ўзбярэжжа.