БЧ заявіла пра масавыя затрымкі цягнікоў

• 17.01.2026, 9:25

Да 40 хвілін.

Беларуская чыгунка ў сваім афіцыйным тэлеграм-канале паведамляе, што 17 студзеня будуць спазняцца цягнікі, якія следуюць праз участак Мінск — Орша.

Паводле дадзеных чыгункі, пасажырскія цягнікі спазняюцца на 10−40 хвілін.

— Беларускай чыгункай прымаюцца аператыўныя меры па ўстараненні тэхнічных няспраўнасцяў і скарачэнні часу спазнення пасажырскіх цягнікоў, — гаворыцца ў заяве БЧ, але не ўдакладняецца, якія менавіта тэхнічныя няспраўнасці трэба ўстараніць.

Па больш падрабязную інфармацыю арганізацыя просіць тэлефанаваць па нумары 105.

— Беларуская чыгунка прыносіць прабачэнні пасажырам за часовыя нязручнасці, — адзначылі ў арганізацыі.