Пад Масквой палае важны для расійскай арміі хімзавод

• 17.01.2026, 9:07

Прадпрыемства пастаўляе кампаненты для зброі.

У горадзе Васкрасенск Маскоўскай вобласці адбыўся маштабны пажар на адным з найбуйнейшых хімічных заводаў Расіі — прадпрыемстве «Васкрасенскія мінеральныя ўгнаенні». Аб’ект лічыцца стратэгічным элементам абароннай прамысловасці РФ, піша nv.ua.

Паводле інфармацыі OSINT-супольнасцяў у Telegram, узгаранне адбылося ў цэху вытворчасці сернай кіслаты. Над горадам назіраецца густы дым, жыхары паведамляюць пра моцны пах гару з хімічным прысмакам, пяканне ў горле і рэзь у вачах.

Прадпрыемства адыгрывае важную ролю ў забеспячэнні ваеннай машыны Крамля, што асабліва актуальна на фоне поўнамаштабнай вайны, развязанай расійскім дыктатарам Пуціным супраць Украіны.

Акрамя таго, 16 студзеня стала вядома яшчэ пра адзін пажар — у горадзе Серпухаў Маскоўскай вобласці загарэлася электрападстанцыя, што пацягнула маштабнае абясточванне паловы горада.