Памёр вядомы беларускі футбольны трэнер Юрый Пышнік

• 16.01.2026, 10:56

Ён выхаваў многіх знакамітых футбалістаў.

Памёр вядомы беларускі футбольны трэнер Юрый Пышнік. Яму было 84 гады, паведамілі ў асацыяцыі «Беларуская федэрацыя футбола» (АБФФ).

Будучы гульцом, Юрый Пышнік абараняў колеры мінскіх «Дынама» і «Ураджаю», гродзенскага «Нёмана», гомельскага «Спартака» і «Алгі» са сталіцы Кыргызстана.

Пасля заканчэння кар’еры Пышнік стаў адным з найбольш вядомых у беларускім футболе дзіцячым трэнерам. З юнымі спартсменамі ён працаваў на працягу 38 гадоў. З іх большую частку — у Рэспубліканскім вучылішчы алімпійскага рэзерву, а раней пяць гадоў у сталічнай СДЮШАР-5.

«Яго выхаванцы ўдзельнічалі ў прэстыжных спаборніцтвах, многія з іх сталі знакамітымі футболістамі. <�…> За час, калі Юрый Пышнік быў трэнерам каманды вучылішча, яго выхаванцы станавіліся чэмпіёнамі краіны 25 разоў. Сярод выхаванцаў клуба многія пазней выступалі за нацыянальную зборную Рэспублікі Беларусь, у тым ліку Арцём Канцавы, Леанід Ковель, Дзмітрый Ленцэвіч, Юрый Жэўнаў, Аляксандр Мартынавіч, Віталь Кутузаў, Антон Путыло, Сяргей Кісляк, Вадзім Скрыпчанка і Віктар Ганчарэнка», — паведамілі ў АБФФ.