У акупаваным Бердзянску наступіў блэкаўт

• 16.01.2026, 8:35

Гарыць электрападстанцыя, горад застаўся без святла.

У ноч на 16 студзеня была паражаная падстанцыя «Марозаўская», размешчаная ў часова акупаваным Бердзянску, у выніку чаго на энергааб’екце ўспыхнуў пажар.

Сам горад застаўся без святла, піша тэлеграм-канал «Exilenova+», які апублікаваў адпаведнае відэа.

«Акупаваны Бердзянск таксама без святла. Гарыць падстанцыя «Марозаўская», — гаворыцца ў подпісе да апублікаваных кадраў.

На самім відэа бачны велізарны слуп агню, што падымаецца на падстанцыі, а таксама густы дым, які накрывае горад.

На момант публікацыі матэрыялу ўкраінскі бок не каментаваў удар па падстанцыі «Марозаўская» ў Бердзянску.