Якое будзе надвор'е ў Беларусі 16 студзеня

• 15.01.2026, 23:40

Месцамі іней, на асобных участках дарог — галалёдзіца.

У Беларусі 16 студзеня месцамі чакаецца іней, на асобных участках дарог — галалёдзіца. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У пятніцу чакаецца пераменная воблачнасць. Пераважна без ападкаў. Уначы і раніцай у асобных раёнах магчымы слабы туман. Прагназуецца паўднёва-ўсходні вецер 2–7 м/с.

Тэмпература паветра ўначы складзе 17–24 градусаў марозу, месцамі — мінус 25–28 градусаў, на захадзе — мінус 10–16. Удзень будзе ад мінус 7 градусаў на паўднёвым захадзе да мінус 16 градусаў на паўночным усходзе.