NI: Пуцін — прыклад ваеннага, палітычнага і маральнага правалу

• 15.01.2026, 19:24

Імперскія амбіцыі Крамля ўжо абышліся занадта дорага.

«Віншуем, Пуцін»: вайна ва Украіне перасягнула Другую сусветную па працягласці і абярнулася катастрафічнымі стратамі для Расіі

Вайна Расіі супраць Украіны афіцыйна перасягнула па працягласці ўдзел СССР у Другой сусветнай вайне. 11 студзеня 2026 года ўварванне дасягнула адзнакі ў 1420 дзён — роўна столькі доўжылася так званая «Вялікая Айчынная вайна» для Савецкага Саюза з 1941 па 1945 год, піша The National Interest (пераклад — сайт Charter97.org).

Гэты сімвалічны рубеж стаў змрочным напамінам пра цану, якую Крэмль плаціць за авантуру Пуціна. Паводле ацэнак, Расія ўжо страціла каля 1,2 млн чалавек забітымі і параненымі, а таксама дзясяткі тысяч адзінак тэхнікі — танкаў, артылерыі і авіяцыі. І ўсё гэта без дасягнення заяўленых мэт.

Для параўнання: нацысцкую Германію Савецкі Саюз урэшце спыніў, пераламаў ход вайны і дайшоў да Берліна. А ва Украіне, праз амаль чатыры гады баёў, расійская армія не змагла ні зламаць супраціў Кіева, ні ўсталяваць кантроль нават над абмежаванымі мэтамі, з якімі Крэмль пачынаў уварванне ў лютым 2022 года.

Гістарычная іронія ў тым, што Пуцін пастаянна апелюе да спадчыны Другой сусветнай вайны, называючы сённяшнюю агрэсію «экзістэнцыйнай барацьбой». Аднак факты сведчаць пра адваротнае: замест мабілізацыі і перамогі — зацяжная вайна на знясіленне, велізарныя страты і стратэгічны тупік.

Так, страты Расіі ва Украіне меншыя, чым падчас Другой сусветнай, калі загінулі каля 11 млн савецкіх салдат і не менш як 10 млн мірных жыхароў. Але тады Крэмль вёў вайну за выжыванне дзяржавы. Сёння ж сотні тысяч расіян гінуць дзеля палітычных амбіцый аднаго чалавека.

Пасля 1420 дзён баёў вайна Пуціна стала не сімвалам сілы, а наглядным прыкладам ваеннага, палітычнага і маральнага правалу. І канца гэтага крываліцця па-ранейшаму не відаць.