Ваенны эксперт: па Расіі збіраюцца нанесці «двайны ўдар»

• 15.01.2026, 15:39

Каб «перакрыць кісларод» Путіну.

У планах кіраўніцтва Вялікабрытаніі не толькі перахопліваць танкеры расійскага «ценявага флоту», але і прадаваць нафту і траціць гэтыя грошы на ўзбраенне для Украіны, паведаміў ваенна-палітычны эксперт Аляксандр Мусіенка. Пра свой намер краіна ўжо заявіла і цяпер рыхтуе юрыдычную базу для рэалізацыі гэтай ініцыятывы. Пра гэта палітычны эксперт расказаў на сваім YouTube-канале.

«Брытанія рыхтуе двайны ўдар па Расіі: грошы ад канфіскаванай “ценявай” нафты могуць пайсці Украіне. У Лондане вядуцца дыскусіі адносна таго, як выкарыстоўваць нафту, канфіскаваную з суднаў расійскага “ценявага флоту”, дзеля падтрымкі абаронных патрэб ва Украіне. Адзін з варыянтаў прадугледжвае, што ўлады Брытаніі не толькі будуць блакаваць даходы, якія падсілкоўваюць ваенную эканоміку Расіі, але і накіроўваць прыбытак ад прададзенай нафты непасрэдна Кіеву».

«Пакуль юрыдычныя механізмы не адработаныя. Яны дапрацоўваюцца для гэтага. Паралельна з абмеркаваннем фінансавага боку пытання элітныя падраздзяленні Брытаніі рыхтуюцца да аперацый па перахопе расійскіх танкераў. Такія дзеянні сталі магчымыя пасля абнаўлення заканадаўства. Давайце, наперад. Як амерыканцы затрымліваюць, так няхай робяць і брытанцы, а пасля далучацца і краіны ЕС», — дадаў Мусіенка.