У цэнтры падрыхтоўкі МУС у расійскім Сыктыўкары прагрымеў выбух

• 15.01.2026, 14:32

Лютуе пажар, ёсць пацярпелыя.

Выбух адбыўся ў цэнтры прафесійнай падрыхтоўкі МУС у Сыктыўкары (Расія). У будынку моцны пажар.

Пра гэта 15 студзеня паведамляюць расійскія Telegram-каналы, публікуючы таксама фота з месца інцыдэнту.

Telegram-канал Baza паведамляе, што ў выніку выбуху пацярпелі не менш за дзевяць чалавек.

«Зараз у будынку лютуе пажар», — піша паблік.

На дадзены момант плошча ўзгарання складае каля 340 кв. м.

Каля двухсот чалавек эвакуяваныя, піша Telegram-канал Mash.

Заяўляецца, што выбух адбыўся падчас будаўнічых работ. Папярэдне, прычынай выбуху з’яўляецца парушэнне тэхнікі бяспекі.