«Знясіленыя без зброі»: як выглядаюць знішчаныя апошнім часам расійскія акупанты

• 15.01.2026, 9:48

Якасць асабістага рыштунку ў праціўніка ўсё больш і больш пагаршаецца.

Вонкавы выгляд і асабісты рыштунак расійскіх вайскоўцаў, якіх апошнім часам ліквідавалі Сілы абароны Украіны, вельмі нізкага ўзроўню.

Баец Узброеных Сіл РФ з нармальным ваенным рыштункам — гэта вялікая рэдкасць, паведаміў старшы лейтэнант Сіл абароны Украіны з пазыўным «Алекс», піша «Фокус».

«Апошнім часам заўважаем цікавы факт: 90% усіх паражаных і зафіксаваных акупантаў — гэта насамрэч нейкія знясіленыя без зброі, без сродкаў абароны, з палкамі або мыліцамі; у некаторыя моманты цяжка нават было б зразумець, што гэта сапраўды вайскоўцы ўзброеных сіл нейкай дзяржавы», — напісаў «Алекс».

Ён удакладніў, што з цягам часу такіх сітуацый становіцца ўсё больш і больш.

«Нават нармалёвы рыштунак — гэта ўжо вялікая рэдкасць», — адзначыў украінскі абаронца.

Паводле яго слоў, якасць асабістага рыштунку ў праціўніка ўсё больш і больш «прасядае».