Як пад Гроднам у маразы падкормліваюць статак зуброў на 600 галоў

• 14.01.2026, 20:55

Відэа.

Стала вядома, як пад Гроднам у маразы падкормліваюць статак зуброў, паведаміў тэлеграм-канал «Пул 4 Рэгіён» Гродзенскага аблвыканкама.

Каб зубры зімой не галадалі, егеры прывозяць на падкормныя пляцоўкі дзясяткі тон кармоў.

– За сезон зубры з'ядаюць да 50 тон сена, — расказалі ў тэлеграм-канале.

Рацыён зуброў — пажыўны і багаты на вітаміны, з дадаваннем лекаў або мінеральных сумесяў пры неабходнасці. Дарэчы, асноўным ласункам зуброў з'яўляецца беларуская соль. Для зуброў у паляўніча-рыбалоўным гаспадарстве СПК «Азёры Гродзенскага раёна» ўтрымліваюць 20 солевых лізунцоў, а летам нарыхтоўваюць 50 тон сена, 100 тон буракоў і каля 50 тон яблыкаў.

Пры гэтым зубры ўжо ведаюць, дзе іх падкормліваюць, і з таго моманту, як работнікі гаспадаркі даставілі прычэп з кормам, цягам паўгадзіны статак ужо сабраўся каля кармушак, гатовы да трапезы.

Дарэчы, першых 18 зуброў на Гродзеншчыну з Белавежскай пушчы прывезлі ў 1997 годзе. А цяпер тут ужо пражывае трэцяе паводле колькасці ў Беларусі статак, які налічвае каля 600 асобін.