Збройныя сілы Украіны спалілі калону расійскай тэхнікі

• 14.01.2026, 13:43

Гарэлі танкі і браневікі.

Сілы беспілотных сістэм Збройных Сіл Украіны сарвалі наступ войскаў краіны-агрэсара Расіі на Данецкім напрамку і знішчылі бранятэхніку акупантаў, гаворыцца у паведамленні СБС у сераду, 14 студзеня.

Вайскоўцы 414-й асобнай брыгады беспілотных сістэм «Птушкі Мадзяра» паразілі танкі і бранямашыны, што сарвала намеры войскаў РФ ажыццявіць штурмавыя дзеянні ў бок пазіцый Сіл абароны.

У паведамленні Сіл беспілотных сістэм адзначаецца, што расіяне прыкладаюць значныя намаганні, каб захаваць бранятэхніку, у прыватнасці, абмяжоўваюць яе выкарыстанне на фронце, маскіруюць металічнымі канструкцыямі і сеткамі.