Іранскі кронпрынц у выгнанні таемна сустрэўся са спецпасланнікам Трампа

Уіткоф і Пехлеві абмеркавалі сітуацыю ў краіне.

Адміністрацыя прэзідэнта ЗША Дональда Трампа пачала ацэньваць магчымыя шляхі рэагавання на маштабныя антыўрадавыя пратэсты ў Іране.

Пра гэта гаворыцца ў матэрыяле Axios.

Журналісты выдання пагаварылі з высокапастаўленымі чыноўнікамі ЗША і высветлілі, што яшчэ мінулымі выхаднымі спецыяльны пасланнік Белага дома Стыў Уіткоф таемна сустрэўся з іранскім кронпрынцам у выгнанні Рэзай Пехлеві, каб абмеркаваць сітуацыю ў краіне.

Гэта першая такая сустрэча на высокім узроўні паміж іранскай апазіцыяй і адміністрацыяй Трампа ад пачатку пратэстаў, якія працягваюцца ўжо больш за дзве тыдні.

Axios піша, што Рэза Пехлеві спрабуе пазіцыянаваць сябе як магчымы «пераходны» лідар у выпадку падзення ісламскага рэжыму. Ён заклікаў адміністрацыю Дональда Трампа падтрымаць пратэстоўцаў.

Абмеркаванне варыянтаў падтрымкі пратэстаў

У аўторак раніцай каманда нацыянальнай бяспекі Белага дома правяла нараду адносна магчымых крокаў у адказ на падзеі ў Іране. Прэзідэнт Трамп у ёй не ўдзельнічаў.

Паводле крыніцы Axios, на гэтым этапе адміністрацыя ЗША разглядае пераважна неваенныя спосабы падтрымкі пратэстоўцаў, а ўнутраныя абмеркаванні знаходзяцца на ранняй стадыі.

Высокапастаўлены чыноўнік падкрэсліў, што цяжка прадказаць, да якога рашэння схіліцца прэзідэнт Трамп, і што магчымае ваеннае ўмяшанне пакуль не абмяркоўваецца.