У Беларусі для ўладальнікаў нерухомасці і аўто ўвялі падатковыя новаўвядзенні

• 13.01.2026, 19:26

Падрабязнасці.

У Беларусі ў 2026 годзе ўвялі некалькі змяненняў, якія датычацца запазычанасці па маёмасных зборах — за нерухомасць, зямлю і транспарт. У адным выпадку «забыўлівых» будуць больш актыўна караць, а ў другім — дараваць, перадае «Зеркало».

Як і анансавалася, у 2026 годзе таксама ўвялі дадатковае пакаранне для даўжнікоў па маёмасных падатках — павышаны каэфіцыент у 15% да налічанага збору. Яго будуць прымяняць, калі сума перавышае адну базавую велічыню (на сёння гэта 45 рублёў).

Яшчэ адно новаўвядзенне датычыць сітуацый, калі запазычанасць па гэтых падатках (у тым ліку пеня) нязначная — да трох рублёў. Яе будуць «дараваць». Раней гэтая сума была на ўзроўні аднаго рубля.

Нагадаем, у 2026 годзе павысілі маёмасныя зборы — і на нерухомасць, і на зямлю, і на транспарт.