У Беларусі аб'явяць дні цвярозасці

• 13.01.2026, 16:17

Названыя першыя даты.

У Беларусі пачалі аб'яўляць дні цвярозасці на 2026 год. Першым дні цвярозасці на ўвесь год зацвердзіў Круглянскі раён Магілёўскай вобласці. Адпаведнае рашэнне Круглянскага райвыканкама апублікаваў Нацыянальны прававы інтэрнэт-партал.

Так, на тэрыторыі раёна цягам года будуць абмяжоўваць час продажу алкаголю. Дні цвярозасці ў рэгіёне аб'явяць 7 лютага, 13 чэрвеня і 1 верасня. У гэтыя дні алкагольныя напоі не будуць прадавацца з 00.00 да 24.00, за выключэннем рознічнага продажу ў аб’ектах грамадскага харчавання.

У райвыканкаме падкрэслілі, што дні цвярозасці ўводзяцца ў сувязі з правядзеннем мерапрыемстваў, накіраваных на прапаганду здаровага ладу жыцця і прафілактыку п’янства і алкагалізму.

Рашэнне ўступіла ў сілу.