Названая папярэдняя версія смерці Яны Кастрэнкавай

• 13.01.2026, 15:36

Сувязь з дзяўчынай знікла 30 снежня 2025 года.

У выніку апазнання ўстаноўлена асоба загінулай дзяўчыны. Гэта сапраўды 21‑гадовая Яна Кастрэнкава, якая знікла 30 снежня.

Прызначаны шэраг экспертных даследаванняў, у тым ліку судова-медыцынская экспертыза для ўстанаўлення дакладнай прычыны смерці дзяўчыны, паведамляе СК.

Цела дзяўчыны знайшлі ўчора падчас пошукаў у Сляпянскай воднай сістэме. Яно знаходзілася на глыбіні 60 см.

Сувязь з дзяўчынай знікла 30 снежня 2025 года. Яна жыла ў «Маяку Мінска».

Маці Яны пісала ў сацсетках, што апошні раз тэлефон яе дачкі быў зафіксаваны ў той дзень а 18:27 каля парка Чалюскінцаў. Жанчына казала, што размаўляла з дачкой у дзень знікнення прыкладна а 14:30. Та казала, што, верагодна, прыйдзе да бацькоў сустракаць Новы год.

Дзякуючы гарадскім камерам удалося высветліць толькі тое, што а 16:30 Яна заходзіла ў «Dana Mall», а пасля сустракалася з жанчынай каля метро «Уручча». Та жанчына была ўладальніцай кватэры, якую Яна хацела арандаваць, але перадумала — каля метро жанчына вярнула ёй задатак.

Цела дзяўчыны знайшлі ў вадзе прыкладна ў адным кіламетры ад парка Чалюскінцаў, дзе яе тэлефон зафіксавалі апошні раз.